Á DSAT 8 hitamynd 18.12.2014 kl. 22:14 GMT kom skörp hrauná í ljós sem liggur í norður frá gígunum og stór hluti norðurjaðarsins er virkur. Hrauná nær nú í 14 km fjarlægð frá gígunum, til norðausturs. Hún liggur að hluta til um óbrennishólmann fyrrverandi. Til viðmiðunar eru útlínur hrauns frá 17.12. merktar inn á kortið, sem og vegurinn (strikalína). Flatarmál hraunsins er orðið 79,8 km² (79,4 km² + 0,4 km²).¹ ◊

Kort af Holuhrauni 2. des. sl. ◊

Hraunið sem þegar hefur runnið frá ágústlokum er talið vara nú um 1 km³ og er það það mesta sem runnið hefur hér á landi frá skaftáreldum 1783 – 1784 og sennilegar þriðja stærsta hraun sem runnið hefur á Jörðinni eftir þann tíma. Eitt helsta sérkenni jarðeldanna norðan Vatnajökuls er mikið og óvenju stöðugt hraunflæði. Nú hefur að vísu dregið úr hraunrennslinu um helming frá byrjun eldanna úr ~ 200m³/sek í september sem er svipað og tvöfalt rennsli Sogsins niður í < 100 m³/sek í nóvember sem er álíka og rensli Skjálfandafljóts. Askja Bárðarbungu sígur jafnframt helmingi hægar nú en þegar sigið var mest.

Skjálftavirknin í eldfjallinu náði hámarki fyrir miðjan september og hefur farið hægt minnkandi síðan en er þó enn mjög mikil. Jarðskjálftahrinan er ein sú mesta sem mælst hefur í eldfjalli í heiminum.

Í fyrsta skipti í 150 ár hefur gasmengun frá eldfjalli haft áhrif víða um land. Ástæðuma má kenna stærð gossins og hversu lengi það hefur staðið. Ekki hefur mælst mikil gasmengun í byggð síðustu vikur saman borið við september og október og stafar það líklega af umhleypingasömu veðurfari.

Jarðvísindamenn telja að sig Bárðarbungu og jarðeldarnir haldi áfram amk. í nokkra mánuði ef þrúnin verður með líkum hætti og verið hefur – þes. ef gert er ráð fyrir sömu þróun á hraunflæði og sigi og verið hefur. Þetta kann þó að breytast og enn getur gos hafist undir jökli og eða Bárðarbungu.⁴

◊

Askjan í Bárðarbungu hefur nú sigið um 50 metra frá því eldsumbrot á svæðinu hófust. Magnús Tumi Guðmundsson jarðeðlisfræðingur telur litlar líkur á gosi í Bárðarbungu.

Vísindamenn frá Jarðvísindastofnun Háskóla Íslands flugu yfir Bárðarbungu í gær með tækjabúnað sem mælir hversu mikið ísinn yfir öskju Bárðarbungu hefur sigið. Samkvæmt nýjustu mælingum hefur askjan nú sigið um 50 metra. Líklegast er talið að gosið í Holuhrauni haldi áfram. 

„Já við verðum að telja það líklegt og niðurstöðurnar í dag sem við fengum úr fluginu í gær og þær eru að segja okkur að við erum ekki að sjá neinn endi á þessu. Þetta er allt mjög svipað,“ segir Magnús Tumi.⁴

◊

◊

◊

◊

◊

Ekkert lát virðist á gosinu og hér skartar það sínu fegursta í skjóli Vatnajökulls fyrir sunnanáttinni. ◊

Gosið heldur áfram með líkum hætti og sigið stendur nú í 1885.7 m 18:20 UTC ²

◊

◊.

◊

◊.

Eldgosið í Holuhrauni er þegar eitt stærsta hraungos sem orðið hefur hér á landi frá því á nítjándu öld, að sögn eldfjallafræðings. Flatarmál hraunsins er nú áætlað 19 km².

◊