Á gosbeltunum virðist svo sem kvikulagið myndi ◊ þykkildi undir jarðskorpunni. Þar teygir það sig neðar í möttulinn en annars staðar og skýtur jafnframt kryppu upp í jarðskorpuna þar sem hún er veikust fyrir. Efst er þykkildi þetta hlutbráðið og kallast kvikuþró. ◊ Þar sem kvikuþróin teygir sig upp undir jarðskorpuna brotnar þunn skel jarðskorpunnar og myndast við það þyrpingar af skástíga gossprungum og sigmisgengjum en þau eru einmitt einkennandi fyrir gliðnun á úthafshryggjum. ◊ Slíkar sprunguþyrpingar kallast sprungusveimar og mynda þeir sjálfstæð og aðskilin eldstöðvakerfi eftir legu og efnasamsetningu gosefna. Hér á landi má greina um 30 slík eldstöðvakerfi. ◊ ◊

Skýringamynd með hlekkjum í fleiri myndir. ◊