| Ríki: Dýr [Animalia] síð-frumlífsöld - nútími |
Dýr. Fjölfruma; hreyfanleg eða föst. Einkennandi tvíhliða samhverfa, en geislótt líkamsgerð hjá sumum; hafa sérhæft taugakerfi; land- og lagarlífverur. Helstu fylkingar fara hér á eftir. | |
|
Dýr með geislasamhverfu. |
||
| Fylking: [Porifera] Svampdýr amk. síð-frumlífsöld - nútími |
Svampar. Botnsætin; lagarlíf, aðallega sjávarlíf, vantar afmarkað vefi og líffæri; hafa oft innri stoðgrind úr karbónati, kísli eða lífrænum hyrnisnálum. Fjöldi steingervinga. | |
| Fylking: [Archaeocyatha] ár- til mið- kambríum |
Útdauðar gerðir sem höfðu sameiginleg einkenni svampa og kórala. Botnsætin; sjávarlíf; stoðgrind lík skál eða trekt þar sem víðara opið hefur snúið upp. Steingervingar í rifjasamfélögum. | |
|
Ameria: Óliðskipt dýr |
||
| Fylking: [Cnidaria, Coelenterates] Holdýr síð-frumlífsöld - nútími |
Kóralar og marglyttur. Botnsætin eða hreyfanleg; lifa sem einstaklingar eða í sambýli; lagardýr, aðallega sjávardýr; hafa vefi en engin eiginleg líffæri; geislótt líkamsbygging; líkamshol með einu opi og fálmurum til fæðuöflunar; brennifrumur. | |
|
Dýr með kviðarhol |
||
| Fylking: Lindýr [Mollusca] kambríum - nútími |
Flækingslíf; sjávardýr en sum lifa í ferskvatni eða á landi; skipuleg líkamsbygging með höfði, möttli og fæti; plöntu- kjöt- eða svifætur; einkennandi ytri kalsíumkarbónat skel úr einum, tveimur eða fleiri hlutum og af breytilegri lögun; sjaldan með innri skel. Mikið um steingervinga. | |
|
Polymeria: Margliðskipt dýr
með kviðarhol |
||
| Fylking: Liðormar [Annelida] síð-frumlífsöld - nútími |
Liðskiptir ormar, hreyfanlegir eða kyrrstæðir; yfirleitt sjávardýr en lifa einnig í ferskvatni og á landi; mjúkur líkami en geta myndað hylki úr lífrænum efnum eða kalki; sía fæðu eða lifa á leifum lífrænna efna. Steingervingar aðallega hylki eða göng. | |
| Fylking: Klóberar, flauelsdýr [Onychophora] | Liðskipt dýr landdýr lík lirfum og þeim svipar bæði til l Liðorma [Annelida] og Liðfætlna [Arthropoda]. Þessum dýrum er ýmist skipað í fylkinu með liðfætlum eða í sérstaka fylkingu — Onychophora— sem er eina fylkingin sem landdýr skipa eingöngu. Ef til vill eiga þessi dýr ættir sínar að rekja til Aysheaia sem fundist hafa steingerð í Burgess shale. | |
| Fylking: Liðfætlur [Arthropoda] kambríum - nútími |
Hreyfanleg, lagar- og landdýr; dæmigerður líkami, liðskiptur í höfuð, búk og hala; paraðir liðaðir útlimir á hverjum lið búks; jurta- kjöt- eða svifætur; ytri stoðgrind, aðallega úr kítíni, skipt um vegna vaxtar við hamskipti. | |
| Fylking: Mosadýr [Bryozoa], þreifidýr síðordóvísíum - nútími |
Mosadýr. Botnsætin; sjávardýr; lifa í sambúum; einstaklingar mjög smáir (1 mm); líffæri vel þróuð; meltingarvegur með munn og endaþarmsop; griparmar til fæðuöflunar sía örsmáar lífverur úr vatninu; stoðgrind utanáliggjandi, vanalega úr kalsíumkarbónati. Mikið af steingervingum. | |
| Fylking: Armfætlingar [Brachiopoda]kambríum - nútími | Einlífisdýr; sjávardýr; nærist með því að sía vatnið; mjúkir líkamshlutar líkir og hjá mosadýrum; dýr umlukið tveim ólíkum skeljum sem ýmist hanga saman á hjörum [articulata]eða eingöngu með vöðvum [inarticulata]; kalsíumkarbónat eða horn með fósfatsamböndum. Mikið um steingervinga í jarðlögum frá fornlífsöld. | |
| Fylking: Skrápdýr [Echinodermata] kambríum - nútími | Hreyfanleg eða kyrrstæð; fimmgeislótt samhverfa. | |
| Fylking: Hálf-seildýr [Hemichordata] | Dýr með seil, tvíhliða samhverfu og kviðarhol | |
| Fylking: Seildýr [Chordata] | Dýr með seil, tvíhliða samhverfu og kviðarhol | |