Eftir útliti og legu í landslagi eru jöklar flokkaðir í mismunandi gerðir. Íslenska jökla má greina í fjórar gerðir en erlendis má finna jökla af mun fleiri gerðum.

Sjá töflu um stærð jökla

Hveljöklar:	Fremur stórir hvelfdir jöklar sem hylja undirlag sitt vel og ná yfir stór hálendissvæði [En: (mountain) ice caps; De: Eiskappe].
	Dæmi:	Vatnajökull, ◊ ◊ Hofsjökull, ◊ Langjökull, ◊ Mýrdalsjökull, ◊. ◊ Drangajökull. ◊ ◊ ◊ ◊ ◊
Jökulhettur: (skjaldjöklar)	Lítil jökulhvel á einu fjalli
	Dæmi:	Eiríksjökull, ◊ Þórisjökull, Geitlandsjökull, Hrútfell á Kili, Tungnafellsjökull, ◊ Þrándarjökull, Eyjafjallajökull ◊. ◊ ◊ ◊ ◊ og Öræfajökull. ◊ ◊ ◊
Hlíðarjöklar:	Jökulteigar utan í hlíðum fjalla og í kvosum milli tinda.
	Dæmi:	Kerlingarfjallajöklar, Snæfellsjökull, ◊ ◊. Tindafjallajökull, Torfajökull, Hofsjökull eystri og jökull Snæfells. ◊
Hvilftarjöklar:	Litlir jöklar í hvilftarskálum í fjallshlíðum. [cirque glaciers]
	Dæmi:	Hvilftarjöklar eru algengir í hvilftum á Tröllaskaga en svo er hálendið milli Skagafjarðar og Eyjafjarðar nefnt. ◊
Erlendis eru ennfremur eftirtaldar jökulgerðir:
Daljöklar:	Jöklar sem hafa ákomusvæði í hvilftum og fjallshlíðum afdala og sameinast síðan í aðaldalnum [valley glacier]. ◊ ◊ Sumum jöklum í fjallgarðinum milli Skagafjarðar og Eyjafjarðar svipar til daljökla eins og t.d. Gljúfurárjökull en stærstir verða daljöklar í Alaska.
	Dæmi:	Hubbardjökull í Alaska.
Rótarjöklar:	Jöklar sem myndast þar sem margir daljöklar renna saman á flatlendi framan við mynni dalanna. [piedmont glacier]
	Dæmi:	Malaspinajökullinn í Alaska er líklega þekktastur slíkra jökla. ◊
Jökulbreiður:	Til þeirra teljast stórir jöklar sem hylja stóran hluta meginlanda [En: Continental Ice Sheets; De: Eisschild].
	Dæmi:	Jöklarnir tveir á Suðurskautslandinu ◊ og Grænlandsjökull. ◊.
Jökulþiljur:	Stór jökulþil, allt að 1000 m þykk, og fljótandi á flóum við strendur heimskautslandanna [shelf ice, ice shelf].
	Dæmi:	Ross- ◊ og Flichner- jökulþiljurnar við Suðurskautslandið. ◊

Þelaurðir [rock glacier] eru sérstakar gerðir jökla sem mynda tungur úr blöndu af ónúnu grjóti með hvössum brúnum og jökulís. Þelaurðirnar myndast einkum undir hömrum í fjallshlíðum þar sem grjóthrun er mikið og eru þær algengar í hlíðum Alpafjalla. Hér á landi má finna þelaurðir í hálendi Tröllaskaga. ◊