Smjörsteiktur þorsskhnakki í pönnu

Efni:
þorskhnakki hvítur grófmalaður pipar sjávarsalt smjör matarolía td. avocado olía
	Aðferð:
	Pannan þarf að vera viðloðunarfrí. Hún er hituð í 7/9 og smjörið brætt í ofurlitlu af avocadoolíu. Þorskhnakkinn er kryddaður með grófmöluðum pipar og sjávarsalti á báðum hliðum og því næst skorinn í mátulegar sneiðar. Fiskstykkin eru steikt fyrst á þeirri hlið sem snéri að roðinu uns þau eru orðin ljósbrún. Þeim er síðan snúið við með tveimur polyamidespöðum þannig að þau losni ekki í sundur við flögurnar í fiskvöðvanum.
Tillaga að beði undir fiskinum á diskinum
1 flysjaður tómatur og saxaður (etv. úr dós) 15 g rúsínur 15 g lífrænt ræktaðar og þurrkaðar aprikósur 1 epli, flysjað og saxað í smástykki 20 g furuhnetur 20 g jarðhnetur, saxaðar 2 hvítlauksrif, söxuð steinselja, söxuð ½ - 1 bolli marsala 4 sítrónusneiðar sjávarsalt
	Tómatarnir, rúsínurnar, eplin, furuhneturnar, jarðhneturnar og hvítlaukurinn eru lögð í marsala í amk. 1 klst. Síðan er þessi blanda látin krauma í potti í 15 til 20 mínútur og vökvinn síaður frá rétt fyrir steikinguna. Tvær msk. af þessari blöndu er lagður á miðjan matardiskinn, saxaðri steinselju stráð yfir og steiktur þorskbiti lagður ofan á beðið.
	Smjörsteiktur þorskhnakki á beði