Margir flokkar öfgakærra [Extremophile] lífvera finnast og er hver þeirra skýrður með tilliti til þess hversu ólík umhverfi þeirra er því sem teljast má „miðlægt“. Lífverurnar er flestar að finna innan FYRNA [archea] ◊ ◊ eða BAKTERÍA. ◊ Nokkrir heilkjörnungar geta fallið í þennan flokk eins og td. Pompeii ormur [Alvinella pompejana], kribbu-kakkalakkar [Grylloblattodea], Suðuríshafs-rækjur [Euphausia superba] og bessadýr [Tardigrades]
Acidophile		Lífverur sem kunna best við sig við sýrustig við pH 3 eða lægra ◊ ◊ ◊.
Alkaliphile		Lífverur sem tímgast best við pH 9 eða þar yfir. Spirula í Natronvatni.
Barophilic		Lífverur sem þrífast best við mikinn þrýsting.
Endolith		Lífverur sem lifa í smásæju rúmi í bergi eins og gropum á milli korna fylliefna. Einnig kallað cryptoendolith og nær það hugtak yfir lífverur í bergsprungum, vatnsleiðurum og misgengissprungum fylltum vatni á miklu dýpi.
Halophile		Saltkærar lífverur sem þurfa amk. 2M styrk salts (NaCl) í vökva til að tímgast.
Hyperthermophile		Lífverur sem þrífast við hitastig á milli 80 – 122°C líkar þeim sem finnast í jarðhitakerfum. ◊.
Hypolith		Lífvera sem þrífst inni í bergi í köldum eyðimörkum.
Lithoautotroph		Lífverur (venjulega bakteríur) sem sækja kolefni fyrst og fremst í CO2 og útvermna ólífræna oxun (chemolithotrophs) líkt og hjá Nitrosomonas europaea; þessar lífverur geta aflað orku frá afoxuðum efnasamböndum eins og td. brennisteinskís og eru virkar í jarðhitakerfum og við veðrun og niðurbroti bergs í jarðveg.
Metalotolerant		Lífverur sem geta þolað sterkar lausnir þungmálma eins og kopars, cadmíum, arseniks og sinks. Dæmi eru Ferroplasma sp. og Ralstonia metallidurans.
Oligotrop		Lífverur sem þrifist geta í næringarsnauðu umhverfi.
Osmophile		Lífverur sem þrifist geta í umhverfi þar sem styrkur sykurs er hár.
Piezophile		Lífverur sem lifa við háan vökvaþrýsting og eru algengar á miklu dýpi neðanjarðar og í djúpálum.
Polyextremophile		Lífvera sem getur sérhæft sig að fleirum en einni öfgaaðstæðu.
Psychrophile/ Cryophile		Kuldakærar lífverur sem þrífst betur við hitastig við 15°C og lægra; algengar í jarðvegi, freðmýrum, heimskautaís, heimskautahöfunum og undir fönnum alpasvæðanna. Tardigrade [Isl: bessadýr En: water bears, moss piglets; Dk: bjørnedyr] geta lifað af hitastig frá - 273°C - + 151°C. ◊ ◊
Radioresistant		Lífverur sem þola mikið magn jónandi geislunar – aðallega útfjólublárrar geislunar en einnig lífverur sem þola kjarnageislun.
Thermophile		Hitakærar lífverur sem þrífast við hitastig á milli 60 – 80°C. ◊
Thermoacidophile	F/B	Samband thermophile og acidophile sem kjósa hitastig á milli 70 – 80°C og pH á milli 2 og 3.
Xerophile		Lífvera sem þrifist getur mjög þurru uppþornuðu umhverfi; örverur af þessari gerð er að finna í jarðvegi Atacama eyðimerkurinnar.