grös: plöntur sem teljast til ættarinnar [Poaceae], staraættarinnar [Cyperaceae] og sefættarinnar [Juncaceae]. Eiginleg grös teljast þó aðeins 8 til 10 þúsund tegundir áður nefndu ættarinnar [Poaceae].

Fyrstu ótvíræðu steingervingar um tilvist grasa eru frá mörkum paleósen og eósen en margt bendir til að þau hafi verið komin fram á krít. Plöntusteinar í steingerðri mykju risaeðla sem lifðu fyrir ≈ 71 Má benda til þessa.

Velgengni grasa felst í líkamsbyggingu þeirra og lífeðlisfræðilegri fjölbreytni. Grösum er gjarna skipt í tvö hópa, C₃ og C₄, eftir því hvernig þau binda kolefni. C₄ grös búa yfir ljóstillífunarferli sem felst í sérhæfðri líffærafræði laufblaðanna og sem að hluta aðlagar þau að heitu loftslagi.

Styrkur ¹³C í fornum jarðvegi og tönnum grasbíta eykst verulega fyrir 6 – 7 Má. Þetta bendir til þess að breytingar á grasaflórunni verði á þessum tíma og C₃- gras víki fyrir C₄-grasi en það síðarnefnda dregur mun hærra hlutfall ¹³C til sín en C₃-gras. ◊