Tvíefni málmleysingja
Þegar tveir málmleysingjar mynda saman aðeins eitt algengt efnasamband þá er formúla þeirra rituð á þann hátt að efnið lengra til vinstri í lotukerfinu (með minni rafeindafíkn) er skráð fyrst. Heiti efnasambandsins er í samræmi við efnaformúluna að öðru leyti en því að seinna frumefnið fær endinguna -íð.
| H2S | vetnissúlfíð |
| NF3 | köfnunarefnisflúoríð |
| HBr | vetnisbrómíð |
Sjá einnig anjónir.
Notkun forskeyta
Þegar sömu málmleysingjarnir mynda saman fleiri en eitt algengt efnasamband, eru notuð grísku forskeytin mónó-, dí-, trí-, tetra-, penta-, hexa- og svo framvegis, til að gefa upp fjölda af hvoru frumefni. Mónó- er ekki notað á fyrri liðnum og því er yfirleitt sleppt nema í CO, kolmónoxíði.
| NO | köfnunarefnisoxíð | P2O3 | dífosfórtríoxíð | |
| NO2 | köfnunarefnisdíoxíð | P2O5 | dífosfórpentaoxíð | |
| N2O4 | díköfnunarefnistetraoxíð | CO | kolmónoxíð | |
| N2O5 | díköfnunarefnispentoxíð | CO2 | koldíoxíð |
Algeng efnasambönd
| H2O | vatn | H2O2 | vetnisperoxíð | |
| NH3 | ammoníak | N2H2 | hýdrasín | |
| HCN | blásýra |