Hversu lengi á að sjóða eggin.

Það má segja að með einfaldari eldamennsku sé að sjóða egg. En ekki er allt sem sýnist eigi útkoman að verða góð.

Suðutími á eggjum fer eftir stærð eggjana.
Hér er miðað við meðalstór egg þe. 60-65 g.

Setjið vatn í pott og látið suðu koma upp.
Setjið eggin varlega ofan í pottinn, gott er að nota matskeið við verkið.
Lækkið hitann.

Eggin eru soðin mislengi eftir því hvernig fólk vill hafa eggin sín, þ.e.a.s. linsoðin eða harðsoðin. Einnig má setja eggin út í kalt vatn, kveikja undir pottinum og byrja að taka tímann þegar suða kemur upp. Við þessa aðferð þurfa eggin mögulega örlítið styttri suðutíma.

• Linsoðin egg: 6 mínútur
• Meðal soðin egg: 8-9 mínútur
• Harðsoðin egg: 12 mínútur

Kælið eggin undir kaldri vatnsbunu í smá stund.

Góð ráð fyrir eggin:

• Mikilvægt er að setja eggin strax í ískalt vatn að lokinni suðu og kæla þau þannig. Annars halda þau áfram að sjóða og rauðan verður grænleit.
• Geyma má harðsoðin egg í allt að vikutíma í ísskáp.
• Setjið nokkur korn af grófu salti í vatnið þannig minnka líkurnar á að egg springi í suðu.
• Það er miserfitt að ná eggjaskurninni af soðnum eggjum, sérstaklega af glænýjum eggjum.
• Eftir því sem egg eldast myndast loftgöt í skurnina og auðveldar er að ná henni af.
  Egg sem geymt eru lengi í ísskáp taka í sig bragð af öðrum matvælum í gegnum þessi loftgöt.
  Aldrei má sjóða egg í skurn í örbylgjuofni, en allt í lagi að brjóta egg og setja í skál sem þolir örbylgjueldun. Hræra skal í egginu áður.