Eldun í vatnsbaði er til að tryggja að það sem eldað er hitni ekki um of. Ílátið í vatnsbaðinu verður aldrei heitara en sjóðandi vatnið sem það liggur í þe. 100°C.

Aðferðin er meðal annars notuð til að þykkja sósur eins og béarnaise-sósu, þar sem suða myndi kekkja eða skilja sósuna, til að bræða súkkulaði, gera vanillusósu og fleira slíkt, og einnig til að halda ýmsum mat heitum.

Vatnsbað í ofni er meðal annars notað til að baka crème brûlée og aðra eggjabúðinga, ýmis paté, ostakökur og fleira.