• 400 g útvatnaður saltfiskur (2 framhryggjarstykki — lomos extra, ~ 200 g hvert)
• Hveiti
• Smjör og/eða ólífuolía fyrir steikinguna
• 1 flysjaður tómatur og saxaður (etv. úr dós)
• 20 g rúsínur, sem hafa legið í marsala, sætu portvíni eða sherrý.
• 1 epli, flysjað og saxað í smástykki
• 20 g furuhnetur
• 20 g jarðhnetur, saxaðar
• 2 hvítlauksrif, söxuð
• Steinselja, söxuð
• 1/2 bolli hvítvín
• 4 sítrónusneiðar

Pönnusteiktur saltfiskur með rúsínum, furuhnetum, salthnetum og kartöflum. © Uppskriftin er ættuð frá Úlfari á 3 Frökkum, 2003, (breytt).

Aðferð:

Rúsínurnar, hneturnar og hvítlaukurinn eru látin liggja í portvíni, sherrý eða masala víninu nokkra tíma fyrir steikinguna.

  Fiskstykkjunum er velt í hveitinu og steikt á pönnu í 1 1/2 mínútu á hvorri hlið. Roðlausa hliðin er steikt fyrst og síðan sú með roðinu. Hveitið er óþarft ef notuð er panna með viðloðunarfrírri húð.

  Eftir steikinguna er fiskinum komið fyrir á fati og látinn bíða í ofni ca. 170°C á meðan meðlætið: tómatar, eplastykki, furuhnetur, hvítlaukur, steinselja og hvítvínið er látið sjóða á pönnunni í 2 mínútur eða uns tómatarnir eru orðnir meyrir.

Meðlætið er lagt á diskana og fiskstykkin tekin úr ofninum og lögð ofaná og kartöflu, og tveim sítrónusneiðum komið fyrir við hliðina.