Berghleifur (batholith) myndast í rótum fellingafjalla þegar súr og eðlislétt kvika þrengir sér upp í jarðskorpuna og storknar þar á nokkurra km dýpi. Þessi innskot eru vanalega margir km í þvermál enda vaxa þau og sameinast á milljónum ára er þeim bætist kvika að neðan og geta þau myndað gríðarstóran berghleif sem getur orðið meira en eitt þúsund km að lengd. Berghleifurinn undir Coast Range í Norður-Ameríku er t.d. meira en 1600 km langur og 40 - 150 km breiður. Álíka stór berghleifur er undir Andesfjöllum. Berghleifar finnast varla meðal íslenskra djúpbergsmyndana en oft eru stærstu innskotin flokkuð sem smáir berghleifar. Þau hafa líklega myndast er kvika í kvikuþróm storknaði.
Stórt innskot úr djúpbergi, sem storknað hefur í fornum kulnuðum kvikuþróm, mætti einnig kalla berghleif. ◊ 
◊ 