staðalaðstæður — STP: staðalaðstæður eru 0°C og 1 loftþyngdar (1 atm.) þrýstingur, sem jafngildir 760 mm_{Hg(kvikasilfur)}.

Eitt mól lofttegundar er 22,4 lítrar við 0°C og einnar loftþyngdar þrýsting (1 atm.).

Lögmál Boyles: við sama hitastig og fastan fjölda móla lofttegundar vex rúmmálið í öfugu hlutfalli við þrýsting.

Lögmál Charles: rúmmál ákveðins magns af lofttegund (við óbreyttan þrýsting) breytist í réttu hlutfalli við hitastigið.

Lögmál Avogadros: jafnstórir rúmmálshlutar mismunandi lofttegunda hafa að geyma sama fjölda sameinda við sama hitastig og þrýsting.

V	µ	1⁄P	við fast	T og n	Boyle
V	µ	T	við fast	P og n	Charles
V	µ	n	við fast	T og P	Avogadro

µ táknar rétt hlutfall, V rúmmál, P þrýsting, T hitastig í Kelvingráðum og n fjölda móla.

Ofanskráð lögmál má draga saman í stærðfræðilega ástandsjöfnu kjörlofttegunda á eftirfarandi hátt:

V = R(1⁄P)(T)(n)    eða   PV = nRT

R er algildur fasti fyrir kjörlofttegundir. Þegar þrýstingurinn, P, er mældur í loftþyngdum (atm.) er R = 0,082057 L atm mól⁻¹ K⁻¹.