hraunhvel: [En: tumulus, pl. tumuli, pressure ridge; De: Schollendome] myndast í helluhraunum vegna þrýstingsáhrifa sem verða sökum mismunandi rennslishraða á milli hálfstorknaðs yfirborðs og hraunkviku undir. ◊ Hólar og hæðir í helluhraunum geta líka stafað af því að djúpir hraunstraumar kaffærðu hóla og hæðir sem fyrir voru í landslaginu. Mishæðirnar koma svo aftur í ljós þegar kvikan rennur undan storknaðri hraunskáninni í lok gossins.
Dæmi um hraunhvel eru Virkishólar sunnan Reykjanesbrautar við vegamótin að Hvassahrauni. ◊ ◊ ◊ ◊
Hraunhveli: virðist notað um hvolfþök yfir tæmdum hraunrásum í helluhraunum og má í því sambandi nefna Dýrfinnuhelli og annan álíka skammt ofan við Grindavík.1 ◊ ◊
Heimild: | ||
1 | Ómar Smári Ármannsson og Ragnheiður Traustadótt, 2013 Fornleifaskráning í Eldvörpum og milli Prestastígs og Skipsstígs, Rannsóknarskýrsla 2013; ISBN 978-9935-9169-0-7 |