Framleiðsla áls og rafgreining áloxíðs

Hér á landi er ál framleitt með því að rafgreina súrál (áloxíð, Al₂O₃) sem flutt er til landsins, einkum frá Ástralíu.

Áloxíðið er leyst upp í rafvaka úr bráðnu krýolíti (Na₃AlF₆) og álflúoríði (AlF₃) í sérstökum kerjum sem klædd eru eldföstum steinum og kolefniskubbum (grafít). ◊

Kolefnisklæðning kersins myndar neikvætt bakskautið og jákvæðu forskautinu er sökkt í raflausnina. Til að halda rafvakanum bráðnum í kerjunum þarf um 960°C hita.

Þegar rafstraumi er hleypt á kerin klofnar súrálið í ál (Al) sem safnast á botninum við bakskautið og súrefni (O₂) sem brennur með kolefninu í forskautunum og breytist í koldíoxíð (CO₂) og kolmónoxíð (CO).

Efnahvörfunum má lýsa svona:
Bakskaut:		Al3+	+	3 e-	→	Al
Forskaut	a)	2 O2-	→	O2	+	4 e-
	b)	C	+	O2	→	CO2
	c)	C	+	CO2	→	2 CO